Olsem long plande kantri long world wea lavem soka tumas, FIFA World Cup fever hem kasem tu olketa long Honiara and evriwea long Solomon Islands.
Long Honiara, olketa fomum wanfala FIFA World Cup Fan Parade Committee wea hem gohet oganaesim wanfala parade long disfala Friday wea hem King's Birthday public holiday and hem day tu wea FiFA World Cup hem kick off.
Wanfala long olketa oganaesa, Jeremy Bosokuru hem enkaregim olketa sapota blong olketa didiferen kantri long FIFA World Cup ia fo werem nasinol kala blong olketa and wevim olketa flags blong olketa long taem blong floats parade.
Mr Bosokuru hem se theme blong disfala FIFA World Cup Fan Parade ia hem for promotim Peace, Unity and Sportsmanship so hem enkaregim evriwan long Honiara fo kam aot and enjoyim parade ia.
Credits
Image Details
Komiti hem organaseim FIFA World Cup parade long Honiara (SBM Online FB)