Manaro Voui volcano long aelan blong Ambae hem stap yet long Levol 3 minor unrest nomata ol volcanic aktivity blong latest eruption long February hem go daon finis.
Last bigfala eruption blong Manaro Voui Volcano hem long namba 6 September long yia 2017 go kasem long namba 21 blong September 2018.
Long taem ia volcano hem sakem aot ol thick asis wea foldaon olsem sand, hem sakem aot poisin gas and igat acid ren tu wea oli killim dae ol garden kakai, ol fruit tree mo spoelem ol wota source long full aelan blong Ambae.
So from hem ia nao, Gavman hem givim oda blong full populesen blong Ambae, samting olsem 11,000 pipol oli lusum aelan blong ol.
Disaster and Climate Officer blong Penama Provins, Manson Taridenga hem se ol provinsol disasta otority oli gohet nomo blong monitarem taem Manaro Voui hem stap olsem wan activ volcano.
Hem se wan 7-week disasta operesen we oli bin karem aot afta ol minor eruption long February hem bin helpem ova 5,000 pipol blong south mo western saet blong Ambae wea asis blong volcano hem afektem olketa.
Credits
Image Details
Luk igo long Manaro Volcano from Northeast Ambae (Gibson Tari pic)