Chairman blong PNG- ABG Bipartisan Committee, Dr Allan Marat bai em putim report blong bipartisan Committee long Bougainville igo long PNG Parliament tumora.
ABG AG that Ezekiel Masatt itok Ratification blong Referendum Results bai kamap bihain long oli pinisim olgeta negosiesen long displa Melanesian Relationship Agreement.
Memba blong North Bougainville, Francesca Semoso ibin askim ol memba blong PNG Palamen las wik long taim blong Palamen sitting long ol imas tingting gut na vout.
Em itok displa em ino wanpla isi vout bai ol memba imekim na em iaskim ol long skelim gut gen histri blong Bougainville na ol hevi we ikamapim Bougainville kraisis.
Bougainville Regional Memba na Works Minista, Peter Tsiamalili Junior tu imekim wankain toktok.