Chief blong Basikang Clan, em wanpla long ol 5pla landouna clan blong Panguna Mine eria long Central Bougainville i laikim bai moni blong displa Land Assessment Compensation Agreement em oli mas putim insait long wanpla landowner entity account.
Chief Maximillian Pipino, itok olgeta ol 5pla clan ibin sainim pinis displa LACA agrimen oli kolim, na moni blongen imas go insait long wanpla landouna kampani akaun yet na ino long wanpla narapela akaun arasait.
Em itok, wari nau em olsem exploresen wok istat pinis long Tunde last wik wantaim drilling aktiviti, tasol ol displa 5pla clan oli no kirapim yet displa kampani blong ol na inogat akaun blongen blong putim displa LACA kompensesen moni igo insait.
Long audio bai yu harim Chief Pipino long tok klia pastaim long displa kastom seremoni last wik blong statim drilling wok long Panguna Mine we ol lain blong developer, Lloyds Metals & Energy Limited na ABG President Ishmael Toroama tu ibin stap longen.
Credits
Image Details
Chief Maximillian Pipino blong Basikang clan blong Panguna ilukluk go long bipo mine pit