Olketa resident and fan blong FIFA World Cup long Honiara olketa kam aot wetem flags and kala blong olketa kantri olketa sapotim and joenem float parade long city disfala aftanun fo makim stat blong disfala tonament.
Totol blong 48 kantri nao olketa bin qualifae fo plei long disfala FIFA World Cup wea Mexico, USA and Canada nao olketa hostim start tude kasem faenol long namba 20 July taem blong iumi.
Long opening gem blong tonament, olketa host Mexico bitim South Africa 2-0.
Bat nomata World Cup ia hem gohet plande taosen miles away long narasaet long world, Solomon Islands wanfala kantri wea lavem soka tumas olketa gohet selebretim tu stat blong tonament ia wetem wanfala FIFA World Cup Fans Parade long Honiara.
Mi stori wetem Jeremy Bosokuru, wanfala long olketa organaesa and hem se olketa dileim stat blong parade ia fo wanfala hour bikos namba blong viekol wea laenap fo tek pat hem ovan nao namba olketa expektem.
Credits
Image Details
Dancers perform during the opening ceremony of the FIFA World Cup 2026 Group A match between Mexico and South Africa at Mexico City Stadium on June 11, 2026 in Mexico City, Mexico.