Ol pipol blong Baon Vilij long ailan blong Lou long Manus provins oli wok long bungim heve long pumice stone we i kam long volkeno we i wok long pairap aninit long solwara.
Displa pumice em laitpla stone tasol we i save flot antap long solwara we Kaunsela blong Baon Vilij, Raymond Simeku itok displa stone em i nau karamapim bikpla hap solwara raun long ailan.
Em itok displa stone ibin stat long drift igo long peles blong ol long Trinde last wik, na inau trapim na banisim pipol blong ples long lusim ailan long boat.
ABC niusmeri long Port Moresby, Marian Faa askim Mr Simeku long stori moa long displa heve blong pumice stone long Lou ailan long Manus.
Credits
Image Details
Locals walk along the coastline that is inundated with floating volcanic pumice stone. Supplied: Manus MP's Office