Tupla susa blong Wewak long East Sepik, Lina na Helen Damwat tupla ibin go long Bougainville long painim aut na konek gen wantaim family blong wanpla man blong Australia we papa blong tupla ibin wok wantaim long 1950s igo 1960s.
Nem blong displa Australian man em Gordon Barry Childs we ibin Plantation Manager na papa blong displa tupla susa, Damwat Hermetele ibin wok olsem foreman long Teopasino na bihain long Soreken Plantation.
Lina na Helen Damwat ibin go kamap long Bougainville na painim grave ol ibin planim Gordon Childs longen na tupla i harim long ol pipol long peles olsem meri blong Gordon na tupla liklik pikinini blong tupla, ibin lusim Bougainville na go bek long Australia tupla mun bihain.
Lina Damwat itokim ABC niusmeri long Port Moresby, Theckla Gunga olsem em na susa blong em ilaik mekim kontak wantaim tupla Fiona na James Childs, we tupla iliklik pikinini tasol long taim oli stap wantaim long Bougainville.
Credits
Image Details
Tupla susa Lina na Helen Damwat long grave blong Gordon Barry Childs long Bougainville