Olketa abaot 30 polis ofisa blong Royal Papua New Guinea Constabulary wea olketa go fo helpem olketa Solomon Islands Police stat long April, olketa go baek finis nao long PNG.
Long wanfala press conference long Honiara yestede, Solomon Islands Police Commissioner, Ian Vaevaso hem talem aot tagio and appreciation long gudfala waka olketa PNG polis offisa ia bin kam duim fo helpem kantri.
Mr Vaevaso hem se olketa PNG polis ia bin help long provaedim sekiuriti raon long Honiara taem olketa lokol polis go aot fo help long taem blong Cyclone Maila, and olketa help tu long taem blong vout blong no-conidence and eleksen blong praem minista.
Bat hem bin garem ripot long media tu blong tufala allegesen involvem samfala PNG polis offisa wea Mr Vaevaso hem se olketa investigetim finis and faedem aot dat allegesen blong threat fo iusim weapons long Tenaru, east long Honiara ia hem no tru.
Image Details
RPNGPC & RSIPF police joint operatiion long Guadalcanal (RSIPF)